Որոշեցի մարդկանց ձեռքերը՝բնավորությամբ,հավաքել թղթապանակում:

Բլոգում շուտվանից ոչինչ չէր տեղադրվում,որովհետև ո՛չ ժամանակ կար,ո՛չ գրվելուն պատրաստ մտքեր,ո՛չ էլ ինքս էի ինձ ընթերցում:
Մի օր/իսկ էդ օրը հաստատ չեմ հիշում/ հասկացա,որ սերը դեպի մարդկանց ձեռքեր գնալով ավելի ու ավելի հիվանդագին է դառնում:Որոշեցի փնտրել մարդկանց,որոնց հաստատ կգտնեի,ու նկարում պատկերված ձեռքերի շարժումների միջոցով ցույց տալ բնավորություն:)
Մտածում էի մի բան կստացվի,նոր կգրեմ,բայց քանի որ համբերությունս մի քանի քայլ առաջ ընկավ ինձնից,շտապեցի:
Երբ մարդկանց հայտնեցի մտադրությանս մասին,սկզբում ինձ չհասկացան,հետո որոշեցի մինչև վերջ զինվել համբերությամբ և բացատրել,թե բանն ինչումն է,եթե,գոնե,բանը հասկացել էին:
Սկսեցի փորփրել ձեռքերի դիրքերի,շարժումների,գույների,ձևերի պատմություններն ու հասկացա,որ մենք մեզ ինքնաբերաբար ներկայացնում ենք մեր ձեռքերի միջոցով:

• Ամեն մարդու ձեռքերի հետ տարվելու է հետաքրքիր աշխատանք:
• Նրանց հատկացնելու եմ 20-30 սմ տարածք,որտեղ պետք է տեղավորել բնավորություն,էություն,տեսակ,նախասիրություն:
• Ընտրվածներն իրենց ձեռքերը կարող են ներկայացնել ամենացնորամիտ վիճակներով:
• Կարող են իրենց հետ բերել ծաղիկներ,գլխարկ,գրիչներ,մատիտներ,նոթատետր,թեյի բաժակ,թաշկինակ և այլն:

Նկարները ստանալուց հետո կսկսենք մեր հետազոտությունը:ճ