Լիբերտանգո.

   






        



Արագացման ռեժիմին սեղմված`սկսում ես քայլել,հետո  հասկանում`կես ընթացքին հևասպառ ես,շնչառությունդ տեղի է տալիս,թվում է`ուր որ է կսպառվես,կփորձես ինքդ քեզ կառավարել,բայց...
Քեզնից առաջ ու քեզնից հետո.մի անկիրթ համեմատություն.

Շատ բան չպահանջվեց,փաստորեն,վերանայելու գերեզման մտած անցյալի վարկածներ,փոշու շորով մի թեթև սրբել,տեղ-տեղ ջրի նորարձակ ծիլերով ցեխ սարքել էղած-չեղածն էլ ու հանգիտս ննջել:Իսկ ես ինձ վաղու՜ց էի կտրել փիլիսոփա դառնալու մտքից,բայց դու շարունակում էիր ինքդ քեզ համոզել,որ բոլոր համոզմունքներս փիլիսոփայություն են,ոչ մի հավաստի տվյալներ,անգամ վկաներ չկան.վերջ,ինքն ա,որ կա:

Թվում է,թե նույն վիճակը պետք է լինի A,B,C կետերով շինված հարթության վրա,B-ն նույն կետը,նույն խաղաքարտը,նույն նշաձողը պետք է լինի,երբ փորձես վերջինիս հասնել C-ից ոտքով իջնելով կամ A-ից վերելակով բարձրանալով,բայց չէ՜,վերելակի ու ոտքի մեջ ահռելի տարբերություն կա,եթե ինձ թույլ տան,կասեմ նաև հեգնանք,ծաղր,մի քիչ էլ խղճմտա՜նք...